या महिलांना मिळणार मोफत पिठाची गिरणी , असा करा अर्ज

Free Pithachi Girni : नमस्कार मित्रांनो ग्रामीण भागात अनेक महिलांकडे कौशल्य असते, मेहनतीची तयारी असते, पण पुरेसं साधनसामग्री किंवा भांडवल नसल्यामुळे त्या व्यवसाय सुरू करू शकत नाहीत. याच पार्श्वभूमीवर महाराष्ट्र शासनाने ग्रामीण महिलांसाठी एक अत्यंत उपयुक्त योजना सुरू केली आहे मिनी पिठ गिरणी योजना.

सरकारची खास योजना : दिव्यांगांना दरमहा मिळणार आर्थिक मदत

या योजनेचा मुख्य उद्देश महिलांना घरबसल्या उत्पन्नाचा एक स्थिर स्रोत उपलब्ध करून देणे आहे. त्यासाठी शासनातर्फे महिलांना मोफत मिनी फ्लोअर मिल म्हणजेच पिठ गिरणी देण्यात येते आणि त्यावर 100% अनुदान दिलं जातं.

या योजनेची वैशिष्ट्ये काय आहेत?

या योजनेअंतर्गत महिलेला एक मिनी पिठ गिरणी मशीन दिलं जातं, जे 1 HP क्षमतेचं असतं. यासोबत त्यासाठी आवश्यक असलेलं संपूर्ण साहित्य, जसं की युनिट, स्टँड आणि गहू-ज्वारी सॉर्टर, याचाही समावेश असतो. हे मशीन महिलांना त्यांच्या घराजवळ, अगदी छोट्या जागेतही चालवता येतं.

आंतरजातीय विवाह योजना : या योजनेअंतर्गत जोडप्यांना ५०,००० रुपये मिळणार

ही योजना विशेषता स्वयं-सहायता गटांतील महिला, अनुसूचित जाती व जमाती, इतर मागासवर्गीय आणि आर्थिकदृष्ट्या दुर्बल महिलांसाठी आहे. महिलांना यंत्र चालवण्याचं मोफत प्रशिक्षणही दिलं जातं. मशीनची देखभाल, दुरुस्ती व गरज पडल्यास पुढील आर्थिक सहाय्यही शासनाकडून उपलब्ध करून दिलं जातं.

या योजनेचा उद्देश काय आहे?

शासनाचा मुख्य हेतू म्हणजे महिलांना स्वावलंबी बनवणं. पिठ गिरणीसारख्या लघुउद्योगाच्या माध्यमातून त्या आपल्या गावातच व्यवसाय सुरू करू शकतात. गहू, मका, ज्वारी, बाजरी यांचं पीठ तयार करून त्या स्थानिक बाजारात विक्री करू शकतात. त्यामुळे उत्पादनावर प्रक्रिया करून त्याची किंमत वाढवता येते, आणि त्याच वेळी स्थानिक गरजाही पूर्ण होतात.

या उपक्रमामुळे महिलांना केवळ आर्थिक मदत मिळत नाही, तर त्या आत्मविश्वासाने पुढे येतात आणि समाजातही त्यांचं स्थान मजबूत होतं.

Ladki Bahin Yojana: लाडक्या बहि‍णींना खुशखबर मिळणार,आज ऑगस्टच्या हप्त्याची घोषणा होणार?

कोण अर्ज करू शकतं?

या योजनेसाठी अर्ज करण्यासाठी काही अटी आहेत. महिला ही महाराष्ट्राची स्थायी रहिवासी असावी आणि ती स्वयं-सहायता गटाची सदस्य असावी. वय 18 ते 55 वर्षांदरम्यान असणं आवश्यक आहे. अनुसूचित जाती-जमाती, इतर मागासवर्गीय व आर्थिकदृष्ट्या दुर्बल महिलांना प्राधान्य दिलं जातं. याशिवाय, महिलेनं याआधी कोणत्याही स्वरोजगार योजनेचा लाभ घेतलेला नसावा, आणि गिरणी चालवण्यासाठी किमान 10 बाय 10 चौरस फूट जागा उपलब्ध असावी.

अर्ज कसा करावा?

अर्ज करण्यासाठी दोन मार्ग आहेत – ऑनलाईन आणि ऑफलाईन.
ऑनलाईन अर्जासाठी, उमेद (UMED – Maharashtra State Rural Livelihood Mission) या अधिकृत पोर्टल https://umed.in वर जाऊन अर्ज भरता येतो. तिथे मिनी पिठ गिरणी योजनानिवडून, आवश्यक माहिती व कागदपत्रे भरून अर्ज सादर करायचा असतो. त्यानंतर स्थानिक पंचायत समितीमार्फत अर्जाची छाननी होते आणि मंजुरीनंतर मशीनचं वितरण व प्रशिक्षण सुरू केलं जातं.

जर ऑनलाईन अर्ज शक्य नसेल, तर स्थानिक ग्रामपंचायत, पंचायत समिती कार्यालय किंवा तालुक्याच्या महिला व बालविकास कार्यालयात जाऊन प्रत्यक्ष अर्ज करता येतो.

काय कागदपत्रं लागतात?

अर्ज करताना पुढील कागदपत्रं आवश्यक असतात — आधार कार्ड, रहिवासी प्रमाणपत्र, SHG सदस्यत्व प्रमाणपत्र, जातीचा दाखला (लागल्यास), उत्पन्नाचा दाखला, फोटो, बँक पासबुक आणि कार्यासाठी असलेली जागा असल्याचा पुरावा.

संपर्कासाठी कुठे जावं?

अधिक माहिती किंवा मदतीसाठी गावातील ग्रामसेवक, पंचायत समिती, जिल्हा महिला व बालविकास कार्यालय किंवा जिल्हा UMED कार्यालयाशी संपर्क साधता येईल. तुम्ही ज्या बचत गटात सदस्य आहात, तिथले प्रमुख किंवा गट संघटक यांच्याकडूनही मार्गदर्शन मिळू शकतं.