E Ration Card : मित्रांनो राज्य सरकारने नागरिकांच्या दारातच सेवा पोहोचवण्याचा महत्त्वपूर्ण निर्णय घेतला आहे. रेशन कार्ड मिळवण्यासाठी आता सरकारी कार्यालयांची चकरा मारायची गरज नाही. अन्न, नागरी पुरवठा व ग्राहक संरक्षण विभागाने ई-रेशन कार्ड ही सुविधा सुरू केली आहे. यामुळे नागरिकांचा वेळ, पैसा आणि श्रम वाचतील. तसेच एजंटांच्या माध्यमातून होणारी फसवणूकही थांबेल.
सर्व महिलांना मिळतील मोफत भांडी संच , असा करा ऑनलाईन अर्ज
ई-रेशन कार्ड म्हणजे काय?
ई-रेशन कार्ड म्हणजे तुमच्या शिधापत्रिकेची डिजिटल प्रत. हे कार्ड मोबाईलवर सहज डाउनलोड करता येते आणि त्याचा उपयोग रेशनशी संबंधित सर्व कामांसाठी होतो. नाव समाविष्ट करणे, नाव वगळणे, पत्ता बदलणे किंवा त्यातील दुरुस्ती करणे अशा अनेक प्रक्रिया आता घरबसल्या करता येतात. या सेवेसाठी कोणत्याही एजंटची गरज नाही आणि सर्व प्रक्रिया पूर्णपणे मोफत आहे.
अर्ज करण्याची सोपी पद्धत
ई-रेशन कार्ड मिळवण्यासाठी http://rcms.mahafood.gov.in या संकेतस्थळाला भेट द्यावी लागते. तिथे आवश्यक माहिती भरून आणि लागणारी कागदपत्रे अपलोड करून अर्ज सबमिट करता येतो. अर्ज मंजूर झाल्यानंतर काही मिनिटांतच ई-रेशन कार्ड डाउनलोड करता येते. ज्यांना ऑनलाइन प्रक्रिया अवघड वाटते त्यांनी तहसील कार्यालयातील पुरवठा शाखेत प्रत्यक्ष अर्ज करण्याची सुविधा घेतली तरी चालते.
शेळी पालनासाठी मिळतंय 90% अनुदान , असा करा ऑनलाईन अर्ज
प्रलंबित प्रकरणांचा निपटारा
नागरिकांची प्रलंबित प्रकरणे लवकर सोडवण्यासाठी पुरवठा विभागाने प्रत्येक महिन्याचा पहिला मंगळवार राखीव ठेवला आहे. या दिवशी रेशन कार्डाशी संबंधित अर्जांना प्राधान्य दिले जाते. यामुळे लोकांना आपला निकाल लवकर मिळेल आणि अनावश्यक विलंब टळेल.
मोफत अन्नधान्याचा लाभ
राष्ट्रीय अन्न सुरक्षा अधिनियमानुसार पात्र कुटुंबांना दरमहा प्रतिव्यक्ती 5 किलो अन्नधान्य मोफत दिले जाते. मात्र शहरी भागात वार्षिक उत्पन्न ₹59,000 पेक्षा जास्त आणि ग्रामीण भागात ₹44,000 पेक्षा जास्त असल्यास अशा कुटुंबांनी स्वेच्छेने योजनेतून बाहेर पडावे. यामुळे खर्या अर्थाने गरजू कुटुंबांना योजनेचा फायदा मिळू शकेल.
एकूणच पाहता ई-रेशन कार्ड ही योजना नागरिकांसाठी सोपी, पारदर्शक आणि वेळ वाचवणारी आहे. घरबसल्या रेशन कार्डाशी संबंधित सेवा मिळाल्यामुळे लोकांची गैरसोय कमी होणार असून या डिजिटल सुविधेमुळे शासकीय कामकाज अधिक सुलभ होईल.