शेतकऱ्यांना शेततळ्यासाठी मिळत आहे २ लाख रुपये , असा करा अर्ज

Shet Tale Farmer Yojana : मित्रांनो शेतकऱ्यांच्या शेतीला स्थिरता आणि टिकाऊ सिंचन मिळावे या उद्देशाने राज्य सरकारने डॉ. बाबासाहेब आंबेडकर कृषि स्वावलंबन योजना सुरू केली आहे. या योजनेत अनुसूचित जाती आणि नवबौद्ध प्रवर्गातील पात्र शेतकऱ्यांना शेततळ्याचे प्लॅस्टिक अस्तरीकरण करण्यासाठी आर्थिक मदत दिली जाणार आहे. शेतकऱ्यांना शेततळ्याच्या प्रत्यक्ष खर्चाच्या ९० टक्के किंवा जास्तीत जास्त दोन लाख रुपयांपर्यंत अनुदान मिळणार आहे.

ठिबक सिंचन घेण्यासाठी शेतकऱ्यांना मिळणार ५५% अनुदान , असा करा अर्ज

योजनेमुळे शेतकऱ्यांना मिळणारे फायदे

या योजनेतून शेततळ्यांचे अस्तरीकरण केल्याने पाण्याची साठवण क्षमता वाढते. यामुळे शेतकऱ्यांना वर्षभर पिकांना पाणी देणे शक्य होते. उन्हाळ्यात किंवा पावसाचा तुटवडा असतानाही पिकांना वेळेवर पाणीपुरवठा करता येतो आणि पिकांचे नुकसान टाळले जाते. सतत उपलब्ध होणाऱ्या पाण्यामुळे पिकांची वाढ चांगली होते, उत्पादनक्षमता वाढते आणि शेवटी शेतकऱ्यांचे उत्पन्नही दुपटीने वाढते.

योजनेचा उद्देश

या योजनेचा मुख्य हेतू म्हणजे अनुसूचित जाती व नवबौद्ध शेतकऱ्यांना आर्थिक मदत करून त्यांना शेतीमध्ये स्वावलंबी बनवणे. दीर्घकालीन सिंचनाची सुविधा मिळाल्यामुळे शेतकऱ्यांचे उत्पन्न सुरक्षित राहते आणि त्यांची आर्थिक स्थिती अधिक सक्षम बनते.

या योजनेतून केंद्र सरकार देणार ५ लाख रुपये , असा करा अर्ज

कोण अर्ज करू शकतो?

या योजनेसाठी अनुसूचित जाती व नवबौद्ध प्रवर्गातील शेतकरी पात्र आहेत. दारिद्र्यरेषेखालील शेतकऱ्यांना विशेष प्राधान्य दिले जाते. अर्जदाराकडे किमान ०.४० हेक्टर ते जास्तीत जास्त ६ हेक्टरपर्यंत शेती असणे आवश्यक आहे. दुर्गम भागात ०.४० हेक्टरपेक्षा कमी जमीन असलेल्या शेतकऱ्यांनी मिळून सामूहिकरित्या अर्ज करणेही शक्य आहे. मात्र, एकदा लाभ घेतल्यानंतर पुढील पाच वर्षे पुन्हा या योजनेचा फायदा मिळणार नाही. तसेच याआधी अशाच प्रकारच्या योजनेत लाभ घेतलेला असेल, तर या योजनेसाठी पात्र ठरता येणार नाही.

अर्ज प्रक्रिया

राज्य शासनाने या योजनेसाठी “प्रथम येणाऱ्यास प्रथम प्राधान्य ही पद्धत लागू केली आहे. त्यामुळे पात्र शेतकऱ्यांनी त्वरित महाडीबीटी पोर्टल https://mahadbt.maharashtra.gov.in/farmer/login/login वर जाऊन अर्ज करणे गरजेचे आहे. निवड झाल्यानंतर शेतकऱ्यांनी सर्व आवश्यक कागदपत्रे ३० दिवसांच्या आत अपलोड करणे बंधनकारक आहे. ठरलेल्या वेळेत कागदपत्रे सादर न केल्यास निवड आपोआप रद्द होते. निवड प्रक्रिया पूर्ण झाल्यानंतर लाभार्थ्यांची यादी महाडीबीटी पोर्टलवर जाहीर केली जाते.

सोन्याच्या दरात झाली अचानक मोठी वाढ , जाणून घ्या आजचे नवीन दर

अधिक माहितीसाठी संपर्क

या योजनेबाबत अधिक माहिती मिळवण्यासाठी आपल्या गावातील कृषी सहाय्यक, कृषी अधिकारी, पंचायत समितीतील कृषी विभाग किंवा जिल्हा परिषद कृषी विभागाशी थेट संपर्क साधावा.