Yashwantrao Chavan Floriculture Award : मित्रांनो महाराष्ट्रातील अनेक शेतकरी आज पारंपरिक शेतीबरोबरच फुलशेतीकडेही वळत आहेत. फुलपिकांच्या माध्यमातून शेतकरी उत्पन्न वाढवून शेतीत नवे प्रयोग करत आहेत. अशा शेतकऱ्यांचा सन्मान करण्यासाठी जिल्हा परिषदेतर्फे दरवर्षी यशवंतराव चव्हाण पुष्पोत्पादन शेती पुरस्कार दिला जातो. हा पुरस्कार शेतकऱ्यांना प्रेरणा देणारा आणि नव्या पिढीला मार्गदर्शन करणारा ठरतो.
पोकरा योजना २.० ऑनलाईन अर्ज सुरु , असा करा ऑनलाईन अर्ज
पुरस्कारासाठी अर्ज कसा करायचा?
या पुरस्कारासाठी इच्छुक शेतकऱ्यांनी आपला प्रस्ताव पंचायत समितीतील गटविकास अधिकारी यांच्याकडे आवश्यक कागदपत्रांसह सादर करावा लागतो. जिल्हा परिषदेतर्फे आलेल्या अर्जांमधून तिन्ही शेतकऱ्यांची निवड करून त्यांचा सत्कार केला जातो. Yashwantrao Chavan Floriculture Award
पुरस्काराचे स्वरूप
पुरस्कार विजेत्यांचा मान्यवरांच्या उपस्थितीत सत्कार करण्यात येतो. प्रथम क्रमांकाच्या विजेत्याला पंचवीस हजार रुपयांचा रोख पुरस्कार, स्मृतीचिन्ह, सन्मानपत्र, शाल, श्रीफळ आणि पुष्पगुच्छ दिला जातो. दुसऱ्या क्रमांकासाठी पंधरा हजार रुपये तर तिसऱ्या क्रमांकासाठी दहा हजार रुपयांचा पुरस्कार दिला जातो. अशा पद्धतीने फुलशेतीत नावीन्य आणणाऱ्या तिन्ही शेतकऱ्यांचा सन्मान केला जातो.
ऑनलाईन पद्धतीने सातबारा उताऱ्यात करा नोंदणी , जाणून घ्या सविस्तर माहिती
पात्रता आणि निकष
या पुरस्कारासाठी पात्र ठरण्यासाठी शेतकऱ्याकडे स्वतःची शेती असणे आवश्यक आहे आणि त्याचा 8 अ उतारा सादर करणे बंधनकारक आहे. उमेदवाराने फुलशेतीत किमान पाच ते दहा वर्षांचा अनुभव असावा. त्यांचे काम परिसरातील इतर शेतकऱ्यांसाठी प्रेरणादायी ठरणारे असावे.
निवड समिती उत्पादन, उत्पन्न, निर्यात, पीकफेरबदल, प्रक्रिया उद्योग, आधुनिक तंत्रज्ञानाचा वापर यांचा सविस्तर विचार करून विजेत्यांची निवड करते. मात्र शासकीय किंवा सहकारी संस्थांमध्ये कार्यरत किंवा सेवानिवृत्त कर्मचारी या पुरस्कारासाठी पात्र राहणार नाहीत.
या विद्यार्थ्यांना मिळणार 10,000 रुपये , असा करा ऑनलाईन अर्ज
का महत्वाचा आहे हा पुरस्कार?
यशवंतराव चव्हाण पुष्पोत्पादन शेती पुरस्कार हा केवळ सन्मान नाही तर शेतकऱ्यांसाठी एक प्रेरणादायी व्यासपीठ आहे. या पुरस्कारामुळे शेतकरी फुलशेतीत अधिक प्रयोगशील होतात, आधुनिक तंत्रज्ञान स्वीकारतात आणि इतर शेतकऱ्यांसाठी आदर्श निर्माण करतात. फुलशेतीतून मिळणारे उत्पन्न केवळ शेतकऱ्यांचे जीवनमान उंचावत नाही तर ग्रामीण अर्थव्यवस्थेलाही चालना मिळते. अधिक माहितीसाठी जिल्हा परिषदेच्या अधिकृत संकेतस्थळाला भेट द्या. https://www.zpsatara.gov.in
फुलपिकांच्या शेतीत मेहनत घेणाऱ्या आणि इतरांसाठी आदर्श ठरणाऱ्या शेतकऱ्यांनी या पुरस्कारासाठी नक्की अर्ज करावा. हा सन्मान शेतकऱ्यांच्या कष्टाला योग्य तो मान देतो आणि भविष्यातील पिढीसाठी प्रेरणादायी ठरतो.