Krushi Yantrikikaran Labharthi Yaadi : मित्रांनो शेतकऱ्यांना कमी खर्चात शेतीसाठी आवश्यक यंत्रसामग्री मिळावी यासाठी राज्य सरकारने कृषी यांत्रिकीकरण योजना सुरू केली आहे. या योजनेअंतर्गत शेतकऱ्यांना ट्रॅक्टर, ट्रॅक्टर चालित उपकरणे, पीक काढणी यंत्रे आणि मळणी यंत्रे खरेदी करण्यावर ५०% ते ८०% पर्यंत अनुदान मिळते. खास करून लहान शेतकरी आणि महिला शेतकऱ्यांना यामध्ये प्राधान्य दिले जाते.
लाडक्या बहिणींची ऑगस्ट महिन्याची नवीन यादी जाहीर; घरबसल्या यादीत तुमचे नाव चेक करा
योजनेसाठी सरकारने महाडीबीटी पोर्टल सुरु केले असून, येथे अत्यंत पारदर्शक पद्धतीने पात्र शेतकऱ्यांची निवड केली जाते. नुकतीच या पोर्टलवर दुसरी सोडत यादी जाहीर झाली असून, त्यात सुमारे ४०,००० पेक्षा अधिक शेतकऱ्यांना लाभ मिळाला आहे. लाभार्थ्यांची संख्या प्रत्येक जिल्ह्यात वेगवेगळी आहे आणि त्यामुळे शेतकऱ्यांना त्यांच्या गावानुसार यादी तपासणे सोपे झाले आहे.
जिल्ह्यानुसार लाभार्थी शेतकऱ्यांची माहिती
योजनेअंतर्गत अकोला जिल्ह्यात १,५३६ शेतकऱ्यांना, अमरावतीमध्ये १,३३१, अहिल्यानगरमध्ये २,६८३, कोल्हापूरमध्ये ७८३, गडचिरोलीमध्ये १५० आणि गोंदियामध्ये ४६१ शेतकऱ्यांना लाभ मिळाला आहे. चंद्रपूरमध्ये ७७८, छत्रपती संभाजीनगरमध्ये १,३९४, जळगावमध्ये २,०२९, जालनामध्ये १,७७४, ठाणेमध्ये ७ आणि धाराशिवमध्ये १,७३८ शेतकऱ्यांना योजनेचा लाभ मिळाला आहे. धुळे जिल्ह्यात १,२४४, नंदुरबारमध्ये ३४१, नांदेडमध्ये २,५५९, नागपूरमध्ये ७५०, नाशिकमध्ये १,४१८ आणि परभणीत ३,०३० शेतकऱ्यांना अनुदान मिळाले आहे.
पेट्रोल डिझेल दरात मोठे बदल , जाणून घ्या आजचे नवीन दर
पालघरमध्ये २०, पुणेमध्ये १,५३८, बीडमध्ये २,३११, बुलढाण्यामध्ये ३,०७७, भंडारामध्ये ३५७, यवतमाळमध्ये १,७३४, रत्नागिरीमध्ये २२, रायगडमध्ये १६ आणि लातूरमध्ये २,९८९ शेतकऱ्यांनी या योजनेचा लाभ घेतला आहे. वर्धामध्ये १,०४६, वाशिममध्ये १,१७०, सांगलीमध्ये १,०५९, सिंधुदुर्गमध्ये २९२, सोलापूरमध्ये २,१३१ आणि हिंगोलीमध्ये १,३१३ शेतकऱ्यांना ही मदत मिळाली आहे.
तुमचं नाव यादीत कसं तपासाल
शेतकऱ्यांनी आपले नाव यादीत आहे की नाही हे तपासण्यासाठी सर्वप्रथम महाडीबीटी पोर्टल https://mahadbt.maharashtra.gov.in उघडावे. पोर्टलवर शेतकरी योजना या पर्यायावर क्लिक केल्यावर निधी वितरित लाभार्थी यादी हा पर्याय दिसेल. त्यावर क्लिक करून आपला जिल्हा, तालुका आणि गावाची माहिती भरल्यास त्या गावातील लाभार्थी शेतकऱ्यांची यादी दिसते. या यादीत आपले नाव शोधून आपण सहजपणे खात्री करू शकता की आपण या योजनेत पात्र आहात की नाही.
तुमच्या पॅन कार्ड वर कुणी कर्ज घेतलं तर नाही ना ? असे चेक करा लगेच
योजनेचा उद्देश
कृषी यांत्रिकीकरण योजनेचा मुख्य उद्देश शेतकऱ्यांना शेतीची यंत्रे खरेदी करण्यासाठी आर्थिक मदत करणे आहे. यामुळे शेतकऱ्यांचा वेळ आणि मेहनत वाचते तसेच उत्पादन खर्चही कमी होतो. ही योजना शेतकऱ्यांमध्ये आधुनिक तंत्रज्ञानाचा वापर वाढवते आणि यांत्रिकीकरणाबद्दल जागरूकता निर्माण करते. विशेषता गरीब आणि लहान शेतकऱ्यांपर्यंत ही मदत पोहोचवणे हाच या योजनेचा महत्त्वाचा उद्देश आहे.
कृषी यांत्रिकीकरण योजना शेतकऱ्यांसाठी आर्थिक मदत आणि तंत्रज्ञानाच्या सोयींचा संगम आहे, ज्यामुळे शेती अधिक सोपी, जलद आणि फायदेशीर होते.